I-Trade Mark igama le-brand, isiqubulo noma uphawu. Ichaza imisebenzi noma impahla yomuntu futhi iyahlule empahleni nemisebenzi yomunye. Izibonelo zifaka:
| Igama le-Brand:
Isiqubulo:
Uphawu:
Isimo esithile:
| COCA COLA, AQUAFRESH
"Yonke into ilokhu ihamba kahle Toyota"
Uphawu lwe-Nike, noma u”M” ka-McDonalds
Ibhodlela le-Coca Cola |
Ngakho igama le-brand igama noma amagama ahlangene (e.g. Kentucky Fried Chicken). Isiqubulo amagama aqoqelwe ndawonye noma umusho kanti uphawu isithombe esithile noma i-symbol. Konke lokhu kuveza ukuzidalula okwehlukile emakethe. Kungasetshenziswa emikhiqizweni nasemisebenzini.
Uma i-trade mark (igama le-brand, isiqubulo noma uphawu) seyibhalisiwe, akekho omunye ongayisebenzisa le-trade-mark, noma ecishe ifane nayo. Uma lokhu kwenzeka kungagcina sekuthathwa isinyathelo somthetho.
I-trade mark ingavikelwa kuphela njengoba injalo ngaphansi koMthetho uma ibhalisiwe. Ama-trade marks angabhalisiwe angavikelwa ngaphansi komthetho ongabhaliwe. Ukubhalisa kwenza kutholakale isitifiketi esisemthethweni, esivumela umnikazi we-trade mark ebhalisiwe ilungelo elehlukile lokuwusebenzisa umaka.
U-CIPRO uphethe Uhlu Lokubhalisa Ama-Trade Marks okuyirekhodi lawo wonke ama-trade marks afakelwe izicelo ngokusemthethweni futhi abhaliswa eRiphabhulikhi YaseNingizimu Afrika.
I-trade mark ebhalisiwe ingavikelwa ingunaphakade, kuphela uma ivuselelwa emva kweminyaka eyishumi ngokukhokha imali yokuvuselela.
