Matseno

Ka mokgwa o o tlwaelegileng wa dipheithente, fa go kopiwa tshireletso ya pheithente mo nageng e e kwa ntle. Go tshwanetse ga dirwa kopo ya naga ngwe le ngwe. Se se akaretsa go baakanya le go faela dikopo tse di mmalwa tsa dipheithente, ditshenyegelo tsa go fetolela, ditirelo tsa babueledi ba dipheithente mo dinageng tse mmogo le ditefelo tse di yang go dikantoro tse di farologaneng tsa dipheithente- tsotlhe tseo di tlisang ditshenyegelo tse di bonalang.

Ka fa tlase ga mokgwa wa tlwaelo, kantoro ngwe le ngwe ya dipheithente mo nageng ngwe le ngwe (e go kopiwang tshireletso mo go yona) e tshwanetse go dira tlhatlhobo ya semmuso ya kopo mmogo le ditaragalo tsa patlo, e leng matsapa a mabedi.

Go kgona go rarabolola mathata a, Tumalano ya Tirisanommogo mabapi le Dipheithente (PCT) le ne ya tlhamiwa ka 1978. Lekgotla le, le ne la tlhamiwa mo Afrika Borwa ka Mopitlwe wa 1999. Ga jaana go dinaga  di le 142 (go akarediwa Afrika Borwa) tseo e leng karolo ya lekgotla le la boditšhabatšhaba.

PCT ke eng?

Jaaka leina (Tumalano ya Thulaganyo ya Dipheithente) le kaya, PCT ke tumalano ya tirisanommogo ya boditšhabatšhaba mabapi le go faela, go batla le go tlhatlhoba dikopo tsa dipheithente. Go tlhalosa ka botlalo,ke tumalano e e neelanang ka tirisanommogo le dikgopolo mabapi le go faela, go batla le go tlhatlhoba dikopo tsa dipheithente.

PCT ga e tlamelane ka “dipheithente tsa boditšhabatšhaba”.

• • Maikarabelo le thaseke ya go neelana ka dipheithente e tswelela go nna mo diatleng tsa Dikantoro tsa Dipheithente mo dinageng tse di farologaneng tseo go batliwang tshireletso mo go tsona.

• • PCT e rulaganya dipatlo tsa boditšhabatšhaba le tiragalo ya ditlhatlhobo mme se se fokotsa ditshenyegelo.

• • PCT e tlamelana ka tlhatlhobo ya semmuso ya kopo ya boditšhabatšhaba ka tiriso ya kantoro e le ngwe ya dipheithente – Kantoro e e Amogelang.

• E• Kopo ngwe le ngwe ya boditšhabatšhaba e tshwanelwa ke patlo ya boditšhabatšhaba mme bao ba rwalang maikarabelo a go dira patlo ba neelano ka pego e e tlhalosang fa go setse go dirilwe patlo ya go nna jalo. Se se letla mokopi go swetsa gore a tlhamo e ka sirelediwa kgotsa nyaa.

• • PCT e tlamelana ka kgatiso ya bogareng ya dikopo tsa boditšhabatšhaba mmogo le dipego tse di amanang le tsona tsa boditšhabatšhaba. E tlamelana ka boikgethelo ba tllhatlhobo ya pele ya boditšhabatšhaba le dipego go thusa Dikantoro tsa Dipheithente mo dinageng tse di farologaneng tseo di saenetseng tumalano, ka mogopolo wa gore a tlhamo e e dirilweng e mo maemong a tlhokego ya boditšhabatšhaba a go sirelediwa.

• • Ditirelo tse di rulaganya dikgato tsa tlwaelo tsa kopo ya pheitente kwa dinageng tsa kwa ntle mme di tlisa go fokotsaga ga ditshenyegelo le nako
  • o Ka fa tlase ga mokgwa o o tlwaelegileng, mokopi wa kwadiso ya pheithente:
    1. a. O dira kopo ya phethente ya nakwana, mme morago
    2. b. Mo teng ga dikgwedi di le 12 o dira kopo “kopo e e tletseng ya pheithente” mme
    3. c. Mo nakong e mokopi o tla dira kopo ya pheithente kwa dinageng tsa kwa ntle (jaaka go tlhokega), ka fa tlase ga Paris Convention
    4. d. Dikopo tse tsa di pheithente tsa boditšhabatšhaba di tlisa
       • ? ditlhokego tse dintsi tsa semmuso
       • ? dipatlo tse dintsi
       • ? ditlhatlho tse dintsi le ditiragalo tsa semmuso
       • ? Diphetolelo le ditefelo tsa bosetšhaba tseo di duelwang morago ga gore dipheithente di goroswe mo nageng nngwe le nngwe. .
  • o Mabapi le mokgwatsamaiso wa PCT, fa go dirwa dikopo tsa boditšhabatšhaba go tsenngwa gape le dikgwedi di l 18 gore go dirwe dipatlo tsa boditšhabatšhaba le dikgatiso tsa boditšhabatšhaba, se se raya gore go fitlha ka dikgwedi di le 31pele mokopi a ka swetsa gore a oa tswelela ka dikopo tsa pheithente mo dinageng tse dingwe.
  • o Ka jalo mokopi ka fa tlase a Mokgwa wa PCT o “reka nako” pele a ka dira boineelo ba tshwetso ya go reka dipheithente kwa dinageng tse dingwe le rwala maikarabelo a ditshenyegelo tse dingwe.

Dikgato tsa Mokgwa wa PCT

• • Fa mokopi a tlhamile sengwe se a batlang gore se sirelediwe mo dinageng di le mmalwa, mokopi o eletswa go dirisa Patent Cooperation Treaty (PCT) pele ga go tsenya kopo ya pheithente mo dinageng tse – dipoelo tsa mokwa wa PCT di neetswe fa godimo. Le fa go ntse jalo “dipoelo” tse dingwe kgotsa ‘ditloso” - mme CIPRO e kgona go neelana ka keletso ya gore motho a ka di bona jang.
• • Mokopi kgotsa mmueledi wa pheithente o tla tlatsa Foromo ya Kopo ya Tumalano le Tirisanommogo ya Dipheithente (ka dikhophi di le tharo), mmogo le dintlhatebego, ditshwantsho, jalo le jalo.
• • Kantoro ya PCT kwa CIPRO e mekamekana le kopo mme e tla bala gape le ditshenyegelo tse di ka nnang teng.

ELA TLHOKO:

• • Monni mongwe le mongwe wa Afrika Borwa a ka nna a dira kopo ya boditšhabatšhaba mo Kantorong ya Kamogelo mo Afrika.
• • Mokgwa wa PCT ke mokgwa wa pheithenre “wa go faela” mme wa se mokgwa wa go ‘neelana’ ka phethente. Ga go na pheithente “PCT”.
• • Mokgwa wa PCT e tlamelana:
  • o Paka ya boditšhabatšhaba e e nang le:
    • ? Go dira kopo ya boditšhabatšhaba
    • ? Dipatlo tsa boditšhabatšhaba
    • ? Diphasalatso tsa boditšhabatšhaba
    • ? Ditlhatlhobo tsa nakwana tsa
  • o Paka ya bosetšhaba / ya kgaolo pele ga Dikantoro tse di tlhaotsweng le/ dikantoro tse di Tlhophilweng
• • Tshwetso ya go neelana ka dipheithente e dirwa ke dikantoro tsa kgaolo kgotsa tsa bosetšhaba mo pakeng ya bosetšhaba..
• • Ke ditlhamo fela tse di ka sirelediwang ke PCT ka go dira kopo ya dipheithente, dikai le ditlhogo tse di tshwanang le tse.
• • Tshireletso ya Thulaganyokgabo le letshwaokgwebo gankitla e bonwa ka PCT. Go na le ditumalano tsa boditšhabatšhaba tse di farologaneng tseo di mekamekanng le mefuta ya tshireletso ya indaseteri.Tumalano ya Hague le ya Madrid). Aforika Borwa ga e ise e nne tokololo ya ditumalano tse..

Setshwantsho sa Mokgwa wa PCT