Nakuba kungaphoqelekile ukwenza ucwaningo ukubheka ubuqobelo be-design noma ukuthi i-design efanayo noma enjengale ayibhalisiwe yini kuhle ukwenzenjalo, ngaphambi kokufaka isicelo sokubhalisa. Ucwaningo lungenziwa eHhovisi le-Design Registry ePitoli. Ungazenzela lokhu noma kwenziwe yi-agent njengommeli we-patent.

Amadokhumende afunekayo ukuze kubhaliswe ayatholakala, mahhala, eHhovisi le-Design Registry ePitoli, Private Bag x 400, Pretoria, 0001. Amadokhumende yilawa:

• IFomu D1 Isicelo Nokwamukelwa kwesicelo
• IFomu D2 Ukubhalisa Ama-Designs
• IFomu D3 Amandla Ommeli
• IFomu D6 ISitatimende Esichazayo neSitatimende Esishoyo (Isitatimende esishoyo siphoqeleke emikhakheni ethile kuphela, e.g. i-integrated circuit topography nemisebenzi yezithombe)
• IFomu D8 Imininingwane Yokushicilela

Indlela yokubhalisa imi ngale ndlela elandelayo:

IFomu D1:	Isicelo Nokwamukela isicelo Sifakwa ngeduplikhethi (ngambili) Faka inombolo ye-class (ocwaningweni ngalunye)
IFomu D2:	Ukubhalisa ama-Designs Gcwalisa ufake ngeduplikhethi
IFomu D3:	Amandla Ommeli Faka ikhophi eyodwa kuphela
IFomu D6:	ISitatimende Esichazayo (siphoqelekile) kanti iSitatimende Esishoyo (asiphoqelekile) Sifakwa ngeduplikhethi Isitatimende esichazayo kufanele sichaze isakhiwo se-design ecelelwa ukuvikelwa (e.g. isimo, isakhiwo, okwakhiwe ngakho, ukuguquka, njengokufanelekile)
Form D8:	Imininingwane Yokushicilela Ifakwa ngeduplikhethi - “Isitatimende esifishane sesakhiwo” sizokuba isigaba esisodwa esingeqile emagameni angu-100. Empeleni lokhu kuhlanganisa isitatimende esichazayo nesitatimende esishoyo (njengaku-D6)

Ndawonye namadokhumende abekwe ngenhla, “Imidwebo” eyizithombe, noma amafoto kufanele kufakwe. Lokhu kungaba:

• Imidwebo engu-7 efanayo, okungaba izithombe noma amafoto. Leso naleso sithombe kufanele sibe sekhasini elingu-A4, noma ifoto ngayinye inamathele ekhasini elingu-A4.
• Faka amacala ahlukahlukene (ngendlela efanele) e.g. icala langaphezulu, icala laseceleni, icala langaphambili, kudingeka okungu-7 ngakunye.
• Khetha icala elilodwa lokushicilelwa ebese uletha amakhophi angu-2 achaza ngokucacile ukuthi “okokushicilelwa”.
• Zonke izithombe/amafoto ngaphandle kwalezo ezizoshicilelwa kufanele zisayinwe.

Ukuqhutshwa ngokusemthethweni

• Uma iphakethe lamadokhumende selemukelwe lafakwa, ofake isicelo uthunyelelwa:
  • Ikhophi engu-1 yefomu D1 echaza ukwamukelwa nenombolo esemthethweni yesicelo se-design.

• Kulandela isikhathi esiyizinyanga ezingu-6 ukuhlola okusemthethweni kuyenziwa ngokujwayelekile enyangeni ka-7 (uma ofake isicelo enze konke okufanelekile ngokomthetho):
  • Isaziso sokwamukeleka kokubhalisa sithunyelwa kwi-Government Printer ebese i-design ishicilelwa kwi-Patent Journal.
  • Isitifiketi sokubhalisa sikhishwe.