Le fa go sa gapeletsege go dira patlo go lekola bomotheo ba thulaganyokgabo le gore a thulaganyo ya go nna jalo kgotsa ee tshwanang le yona ga e a kwadiswa – go botlhokwa go dira se pele ga go faelwa kwadiso. Patlo e ka dirwa kwa Kantorong ya go Kwadisa Dithulaganyokgabo kwa Tshwane. O ka e dira ka bowena kgotsa kemedi jaaka ramolao wa dipheithente.

Ditokomane tse di tlhokagalang go dira kwadiso di ka fitlhelega, ntle le tuelo go tswa Kantorong ya Dithulaganyokgabo kwa Tshwane Private Bag x 400, Pretoria, 0001. Ditokomane tseo ke:

• Foromo D1 Kopo le Kamogelo
• Foromo D2 Ikwadiso ya Dithulaganyokgwebo
• Foromo D3 Maatla a Mmueledi
• Foromo D6 Polelo e e Tlhaolang le Polelo e e Tlhalosang
• Foromo D8 Dintlha tsa phasalatso

Dikgato tsa Ikwadiso di ntse jaana:

Foromo D1:	Kopo le Kamogelo • Di goroswa ka sebedi • Tsenya nomoro ya setlhopha (go ya ka patlo)
Foromo D2:	Ikwadiso ya Dithulaganyokgabo Tlatsa mme o faele tse pedi
Foromo D3:	Maatla a Mmueledi Faela khophi e le ngwe (1) fela
Foromo D6:	Polelo e e tlhalosang (e a gapeletswa) mmogo le Polelo e e Tlhalosang (e ka tlogelwa) Faela tse pedi Polelo e e tlhalosang e tshwanetse go tlhalosa ditebego mo thulaganyongkgabo tseo di tlhokang go sireletswa (sekao dipaterone, dithulaganyo, fa go tlhokega).
Form D8:	Dintlha tsa Phasalatso Faela tse pedi “Polelwana e e tlhalosang tebego” e tla nna temana e le nngwe e e sa feteng mafoko a le lekgolo (100). Tota se ke motswako wa polelo e e tlhalosang le e e etlhaolang go ya (D6).

Mmogo le dilo tse di tlhaotsweng fa godimo, “Ditshwantsho tse di thadilweng” mo diforomong tsa dithalwa, kgotsa dinepe di tshwanetse go akarediwa. Tsona e ka nna:

• Ditshwantsho di le 7, tse di tshwanang, e ka nna ditshwantsho tse di thadilweng kgotsa dinepe. Setshwantsho sengwe le sengwe se tshwanetse go nna mo pampiring ya A4, kgotsa se mameretswe mo pampiring ya A4.
• Tsenya ditebego tse di farologaneng mme o neelane ka dikhophi di le pedi tse di kwadilweng “ phasalatsa”
• Ditshwantsho tsotlhe tse di thadilweng /dinepe kwa ntle ga tseo di tshwanetseng go phasalatswa di tshwanetse go saenwa.

Ditiragalo tsa Semmuso

• Fa sephuthelwane sa ditokomane se sena go amogelwa le go goroswa, mokopi o romelwa:
  • Khophi e le nngwe ya Foromo ya D1 e e tlhalosang kamogelo le nomoro ya thulaganyokgabo ya semmuso.

• Morago ga nako ya dikgwedi di le 6, moo ditiragalo tsa semmuso tsa tlhatlhobo di diragalang teng, mme ka gale mo kgweding ya bo 7( fa e le gore mokopi o ne a sekegela ditlhokego tsotlhe tsa semmuso):
  • Kitsiso ya kamogelo ya kwadiso e romelwa go Bagatisi ba Puso mme thulaganyokgabo e phasaladiwa mo teng ga Jenale ya Pheithente.
  • Go rebolwa sethifikeithi sa kwadiso.