Registrasie-inligting

Ten einde inligting in verband met u onderneming te kan byvoeg of wysig, moet u eers registreer. Hierdie registrasie is bloot ’n meganisme waardeur ons sal verseker dat net u u onderneming se inligting kan verander. Tydens registrasie sal u gevra word om ’n wagwoord en kontakbesonderhede te verskaf. Die wagwoord, tesame met u onderneming se nommer, sal gebruik word om toegang te verkry tot die koppelvlak wat u sal toelaat om veranderinge aan te bring. Die kontakbesonderhede sal gebruik word om u registrasie te verifieer voordat dit goedgekeur word.

Na suksesvolle registrasie sal u die volgende inligting kan byvoeg of verander: -

Wagwoord	Die wagwoord wat gebruik word om aan te teken op die veranderingskoppelvlak Verpligte inligting
Telefoonareakode	Die areakode wat deur die algemene publiek gebruik word om met u organisasie kontak te maak.
Telefoonnommer	Die telefoonnommer wat deur die algemene publiek gebruik word om met u organisasie kontak te maak.
Faksareakode	Die areakode wat deur die algemene publiek gebruik word om fakse na u organisasie te stuur.
Faksnommer	Die faksnommer wat deur die algemene publiek gebruik word om fakse na u organisasie te stuur.
E-posadres	’n Kontak-e-posadres wat deur CIPRO-personeel gebruik word om u op die hoogte te hou van nuus oor dienste wat by hierdie webtuiste beskikbaar gestel word. Hierdie e-posadres is ook vir die algemene publiek beskikbaar. Verpligte inligting
Docex-adres	As u ’n docex-adres het en dit aan die algemene publiek bekend wil stel, kan u dit hier doen.
Webadres (URL - unique resource locator)	As u organisasie ’n webtuiste op die internet het en ’n URL aan die algemene publiek beskikbaar wil stel, kan u die URL hier byvoeg. Die URL verskyn as ’n hiperskakel wanneer daar na onderneminginligting gekyk word.
Bykomende inligting	Enige inligting wat na u mening relevant is vir die bevordering van u organisasie of enige ander algemene inligting wat u deur hierdie webtuiste wil bekend maak. Maksimum van 1 500 karakters.
Naam van verantwoordelike persoon	Die naam van die persoon in u organisasie wat gewoonlik vir die bywerk van hierdie inligting verantwoordelik is. Hierdie inligting is nie vir die algemene publiek beskikbaar nie maar word deur CIPRO-personeel gebruik om te verifieer dat registrasies bo verdenking is. Verpligte inligting
Kontaktelefoonnommer van verantwoordelike persoon	Hierdie inligting is nie vir die algemene publiek beskikbaar nie maar word deur CIPRO-personeel gebruik om te verifieer dat registrasies bo verdenking is. Verpligte inligting

Aanteken

Gebruik u onderneming se nommer (sonder die skuins strepe) en die wagwoord wat u by registrasie verskaf het om toegang te kry tot die koppelvlak wat u sal toelaat om u inligting te verander.

Let wel: - Wagwoorde IS kassensitief. As u wagwoord dus DingBat is, sal Dingbat, dingbat of dingBat ’n aantekenfout veroorsaak.

Vereistes rakende spesiale besluite

Dit het betrekking op alle veranderings van die bestaande naam, hoofbesigheid en doel sowel as op veranderings in die akte van oprigting en statute van ’n maatskappy.

Veranderings word aangebring ooreenkomstig artikel 199(1) en 200(1) van Wet 61 van 1973, soos gewysig.

1.  Naamsverandering, vertaalde of verkorte naam van ’n maatskappy.

Vereiste vorms	Koste	Beskrywing van vorms
CM5	Moet goedgekeur word	Aansoek om gereserveerde naam
CM9 (1 aansoek en 2 sertifikate)	R30	Aansoek om naamsverandering
CM7 (indien toepaslik)	R30	Registrasie van ’n verkorte of vertaalde naam
CM9A (1 aansoek en 2 sertifikate)	R30	Aansoek om verandering van ’n verkorte of vertaalde naam
CM9B (indien toepaslik)	R5	Deregistrasie van ’n verkorte of vertaalde naam
CM26	R80	Inhoud van veranderings in die maatskappy
Notice	N/A	Indien 21 tussen liggende dae kennis gegee is
Notice plus CM25	N/A	Indien minder as 21 tussen liggende dae kennis gegee is
CM25A	N/A	Indien geen kennis gegee is nie

2.  Verandering van hoofdoel en hoofbesigheid

Vereiste vorms	Koste	Beskrywing van vorms
CM26	R80	Inhoud van veranderings in maatskappy
Notice		Indien 21 tussen liggende dae kennis gegee is
Notice plus CM25		Indien minder as 21 tussen liggende dae kennis gegee is
CM25A		Indien geen kennis gegee is nie

3.  Beskrywing van wysiging

Beskrywing van wysiging	Vereiste vorms	Koste	Beskrywing van vorms
Skrap voorwaardes	CM18	R20	Hofbevel vir registrasie
Omskepping in aandeelblok	CM26
	CM9	R30
	Kennisgewing		Indien 21 tussen liggende dae kennis gegee is
	Kennisgewing plus CM25		Indien minder as 21 tussen liggende dae kennis gegee is
	CM25A		Indien geen kennis gegee is nie
	Goedgekeurde CM5
	Nuwe akte van oprigting en statute
Omskepping van ’n aandeelblok	CM26	R80
	CM9	R30
	Goedgekeurde CM5
	Kennisgewing/Kennisgewing plus cm25/ cm25 Nuwe akte van oprigting en statute Brief om te bevestig dat geen verdere aandele uitgereik is of regte prysgegee is nie
Omskepping van een tipe maatskappy in ’n ander	CM26	R80	Inhoud van die besluit
	CM45	R40	Sertifikaat van inkorporasie ten opsigte van die omskepping van een tipe of vorm van maatskappy in ’n ander tipe of vorm van maatskappy
	Kennisgewing		Indien 21 tussen liggende dae kennis gegee is
	Kennisgewing plus CM25	N/A	Indien minder as 21 tussen liggende dae kennis gegee is
	CM25A	N/A	Indien geen kennis gegee is nie
	Nuwe statute
	Kennis gepubliseer in die Staatskoerant drie weke voor die datum van die vergadering, behalwe in die geval van die omskepping van ’n privaat maatskappy in ’n publieke maatskappy met slegs aandelekapitaal
Vermeerdering van kapitaal	CM26	R80
	Kennisgewing
	Kennisgewing plus CM25
	CM25
	CM11	R5 vir elke R1 000 vermeerdering	Betaling van gelde vir kapitaalvermeerdering
Terugkoop van aandele	Die statute van die maatskappy moet hom toelaat om dit te doen
	’n Algemene magtiging deur ’n spesiale besluit
	CM14A
	Verklaring deur die direkteure in terme van art 85
Betaling aan aandeelhouers	Die statute van die maatskappy moet hom toelaat om dit te doen	R80
	CM14A
	Verklaring deur direkteure in terme van art 90
Aflossing van aandele	CM19		Kennis van aflossing van aflosbare voorkeuraandele
	Spesiale besluit kragtens artikel 98(2) van die Maatskappywet
Uitreiking van aandele	CM15		Opgawe van aandeeltoekenning

Toekenning van aandele - CM15, artikel 93(3) van die Maatskappywet, 1973

Vorm CM15 is ’n opgawevorm wat deur ’n maatskappy ingedien word om die Registrateur in kennis te stel dat die maatskappy aandele toegeken het en waarin besonderhede gegee word van die nominale en voorheen uitgereikte aandelekapitaal of verklaarde kapitaal en van die getal en beskrywing van die aandele waaruit die toekenning bestaan. Die vorm moet ingedien word binne een maand nadat die aandele toegeken is of anders moet ’n boete van R150 betaal word.

Toekenning wat ongeldig geword het - CM16, artikel 93(4) van die Maatskappywet, 1973

’n Vorm CM16 is ’n opgawevorm wat deur ’n maatskappy ingedien word om die Registrateur in kennis te stel dat die toekenning van aandele ongeldig geword het. Die redes daarvoor moet op die vorm aangegee word, bv. niebetaling vir aandele of te veel aandele toegeken waarvoor nooit betaal is nie. Die vorm moet ingedien word binne een maand nadat sodanige toekenning ongeldig geword het, maar geen boete word vir laat indiening gehef nie.

Aflossing van aflosbaare voorkeuraandele - CM19, artikel 98 van die Maatskappywet, 1973

’n Vorm CM19 word deur ’n maatskappy ingedien om die Registrateur in kennis te stel dat sy aflosbare voorkeuraandele afgelos is. Die statute van die maatskappy moet die regte verbonde aan die aandele aandui en moet ook die wyse en datum van aflossing spesifiseer. Die vorm moet ingedien word binne een maand na die aflosdatum maar geen boete word vir laat indiening gehef nie.

Verkryging deur ’n maatskappy van aandele wat hy uitgereik het/Betalings aan aandeelhouers - CM14A, artikel 85, 87 & 90 van die Maatskappywet, 1973

’n Vorm CM14A word deur ’n maatskappy ingedien om die Registrateur in kennis te stel van die verkryging van aandele of van betalings aan aandeelhouers deur die maatskappy. Die statute moet die bevoegdheid verleen om aandele terug te koop en betalings aan aandeelhouers te doen. ’n Spesiale besluit word vereis vir ’n algemene goedkeuring of ’n spesifieke goedkeuring. Die verklaring deur die direkteure betreffende die toereikendheid van kapitaal na die terugkoping moet ingevolge artikel 85 van die Maatskappywet by indiening by die CM14A aangeheg wees. Die vorm moet ingedien word binne een maand na die datum van verkryging maar geen boete word vir laat indiening gehef nie.

Prosedure om die inligting op bogenoemde vorms te verifieer

CM15

1. Verifieer die naam en registrasienommer van die maatskappy.
2. Item 1 – Kontroleer die toekenningsdatum; die CM15 moet binne een maand na die toekenningsdatum ingedien word.
3. Item 2 – Verifieer die gemagtigde kapitaal.
4. Item 3 – Aandele waarvoor in die memorandum ingeskryf is - met inkorporasie
5. Item 4 – Verifieer voorheen uitgereikte aandele aan die hand van CM15 wat op rekord is.
6. Item 5 – Dit is die nuwe toekenning.
7. Item 6a, b & c – Ander aandele as dié wat vir kontant toegeken is
8. Item 7 – Totale huidige uitgereikte kapitaal
9. Die CM15 moet deur die direkteur/ bestuurder of sekretaris van die maatskappy geteken word.

1. Verifieer die naam en registrasienommer van die maatskappy.
2. Item 1 - Verifieer gemagtigde kapitaal.
3. Item 2 - Kontroleer voorheen uitgereikte kapitaal aan die hand van laaste CM15 wat op rekord is.
4. Item 3 – Besonderhede van toekenning wat ongeldig geword het.
5. Item 4 – Redes hoekom toekenning ongeldig geword het.
6. Item 5 – Totale huidige uitgereikte kapitaal.
7. Die CM16 moet deur die direkteur/ bestuurder of sekretaris van die maatskappy geteken word.

1. Verifieer die naam en registrasienommer van die maatskappy.
2. Item A – Gemagtigde en voorheen uitgereikte kapitaal.
3. Item Bi – Aandele wat uit winste afgelos is
4. Item Bii – Aandele wat uit die opbrengs van ’n nuwe uitreiking van nuwe aandele uitgereik is; ’n spesiale besluit word vereis indien gewone aandele in plaas van afgeloste aandele uitgereik word.
5. Item C – Nuwe aandele uitgereik in die plek van afgeloste aandele.
6. Item D – Kapitaal na aflossing.
7. Die CM19 moet deur die direkteur/bestuurder of sekretaris van die maatskappy geteken word.

1. Verifieer die naam en registrasienommer van die maatskappy..
2. Item 1 – Gemagtigde kapitaal.
3. Item 2 – Voorheen uitgereikte kapitaal.
4. Item 3 – Betalings in verband met aandeelpremierekening.
5. Item 4 – Besonderhede van verkryging.
6. Item 5 – Huidige uitgereikte kapitaal.
7. Die CM14A moet deur die direkteur/bestuurder of sekretaris van die maatskappy geteken word.

Maatskappylikwidasie - Hoe om ’n maatskappy in vrywillige likwidasie te plaas

Likwidasiemetodes:

1. ’n Maatskappy kan gelikwideer word –
   1. deur die hof, kragtens artikel 344; of
   2. vrywillig, kragtens artikel 349.
2. Die vrywillige liwidasie van ’n maatskappy kan –
   1. ’n vrywillige likwidasie deur krediteure wees kragtens artikel 349 & 351; of
   2. ’n vrywillige likwidasie deur lede wees kragtens artikel 349 & 350.

Dokumente	Doel	Gelde
CM26 (in duplikaat)	Spesiale besluit	R80,00 inkomste, oorspronklike gestempel
CM25A	Tersydestelling van kennis	-
CM25	Tersydestelling van kennistydperk	-
’N KOPIE VAN KENNISGEWING AAN AANDEELHOUERSVERGADERING	Om aandeelhouers in kennis te stel van vergadering wat gehou gaan word	-
JM12-BRIEF (vereis ingevolge lede se vrywillige likwidasie)	Bewys dat sekuriteit tot bevrediging van die Meester verskaf is, of dat die Meester afgesien het van die verskaffing van sodanige sekuriteit	-

Aanstelling van ’n likwidateur

Die volgende standaarddokumente moet ingedien word

Dokumente	Doel	Gelde
CM40	Aanstelling as likwidateur/voorlopige geregtelike bestuurder/geregtelike bestuurder	-

bestuur te plaas

Die volgende is standaarddokumente wat ingedien moet word:

Dokumente	Doel	Gelde
Hofbevel (oorspronklike geteken, gedateer en gestempel)	Voorlopige likwidateur/finale likwidateur/voorlopige geregtelike bestuur/geregtelike bestuur	-

Hoe om ’n maatskappy se likwidasie tersyde te stel

Die volgende is standaarddokumente wat ingevul en ingedien moet word

Dokumente	Doel	Gelde
CM18	Hofbevel vir registrasie	R20,00 inkomste, oorspronklike gestempel
Hofbevel, oorspronklike geteken, gedateer en gestempel	Hoe om ’n maatskappy se likwidasie tersyde te stel	-

Hoe om ’n maatskappy in ’n staat van ontbinding te plaas

Die volgende is standaarddokumente wat ingedien moet word

Dokumente	Doel	Gelde
419 (1): Sertifikaat (uitgereik deur die Meester van die Hooggeregshof, oorspronklike geteken, gedateer en gestempel)	Ontbindingsertifikaat	-