Normaalweg is ’n persoon wat ’n werk geskryf, gedruk, gepubliseer, opgevoer, gebeeldhou, geverf, verfilm of opgeneem het die eienaar van die kopiereg op daardie werk.
Soms, as iemand opdrag ontvang het en betaal is om ’n bepaalde stuk werk te doen, behoort die kopiereg aan die werkgewer.
Vir die meeste werke (buiten films) kan daar nie om kopiereg aansoek gedoen word nie omdat dit outomaties bestaan.
Mens kan kopieregbeskerming kry as jy Suid-Afrikaans is of as jou werk in Suid-Afrika voortgebring is. Indien jy nie Suid-Afrikaans is nie kan jy kopieregbeskerming verkry mits die land waarvan jy ’n burger is ’n lid van die Bernekonvensie is. Die Bernekonvensie is ’n internasionale ooreenkoms oor kopiereg waarvolgens lidlande aan mekaar kopieregbeskerming verleen.
• In die geval van films/video’s wat vir kommersiële gebruik gemaak is, moet daar formeel om kopiereg aansoek gedoen word deur middel van die volgende dokumentasie, wat gratis by die Kopieregkantoor verkrygbaar is :
Vorm RF1, in duplikaat
Vorm RF2, in duplikaat
Vorm RF3, in duplikaat
Vorm RF9 tesame met die “Statement of case”
Volmagbrief indien van ’n prokureur gebruik gemaak word
