Maikaelelomagolo a lefapha le ke go tlamelana ka tshedimosetso, kwadiso le ponelopele-kgolo ya dikoporasi mme e romilwe go tsweletsa Molao wa Dikoporasi, 2005 (Molao wa Bo 14 wa 2005). E etleetsa gape le bong bo bo oketsegileng ba dikgwebo ke bao ba baneng ba kgaphetswe kwa thoko mo malobeng mme e rotloetsa tlhomo ya dikoporasi mo ditikologong tsa baagi ba kwa metsemagaeng.
Mafelo a boikarabelo
Lefapha le rwala maikarabelo a kwadiso, tshololo le kwadisololo ya dikoporasi mmogo le itshwaraganyo le diphetolo. E arabela matshwenyego a setšhaba mme e neelana ka tshedimosetso e e amanang le dikoporasi. E rwala gape le maikarabelo a go sekaseka ditshupamatlole tsa dikoporasi.
1. Koporasi ke eng?
Koporasi ke mokgatlho o o ikemetseng wa batho ba ba kopaneng ka boithaopo go sekegela dikgatlhegelo tsa bona tsa ikonomi, loago le setso mmogo le diphisegelo ka kgwebo e e kopanetsweng le e e laolwang ka mokgwa wa se demokeratiki. Kgwebo e, ke e e rulagantsweng le e e laolwang go ya melawana ya dikgwebisano.
2. Diponagalo tsa koporasi ke dife?
Kamano ya batho
Ka boithaopo
Ditlhokego tse di tshwanang tsa ikonomi, loago le setso
Kgwebo ya thuo e e kopanetsweng le e e laolwang ka mokgwa wa demokeratiki
Melawana ya dikgwebisano
3. Melawana ya dikoporasi ke efe?
Taolo ya maloko ka mokgwa wa demokeratiki
Botokololo ka boithaopo jo bo buletsweng mongwe le mongwe
Kemonosi le boipuso
Katiso ya thuto le tshedimosetso
Tirisanommogo ya dikoporasi
Botsayakarolo mo go tsa ikonomi ya ditokololo
4. Koporasi e tlhamiwa jang?
Koporasi ke kgwebo e e farologaneng e e neelanang ka ditirelo le dikumo go ditokololo tsa yona. Merokotso e arololelwa ditokololo go ya ka kgwebo e tokololo nngwe le nngwe e e dirileng le kgwebisano.
5. Dipoelo ke eng?
Go fitlhelela se mongwe a ka se se fitlheleleng ka nosi
Go neelana ka phitlhelelo e e bonolo go ditirelo tse di tlhokegang
Go dira dituelo tse di potlana tsa dipapatso, diphatlhalatso le go rekisa dikuno
Go nolofatsa dikuno fa go tlhokega
6. Kgwebisano e ka simololwa jang?
TSHIMOLOLO: TSHWARANG KOPANO GO TLHOTLHOMISA GORE GO NA LE KGATLHEGO E E LEKANENG GO POROJEKE E E TSITSINTSWENG
Monnasetulo o buisa karolo ya leano la kgwebo le le tlhalosang maitlhomo le maikaelelo, mmogo le diphisegelo tsa kgwebo tsa botlhe ba ba leng teng mo kopanong ya tshimololo
Arabang dipotso tsotlhe tse di bodiwang
Laletsang mongwe le mongwe go ikwadisa
Bao ba nang le kgatlhego ba tshwanetse go tlatsa Diforomo tsa Kopo ya go nna Ditokololo
Bao ba tladitseng Diforomo tsa go nna Ditokololo ba tla tlhopha Boto ya Bakaedi
Koporasi jaanong e tlhamilwe kgotsa e simolotswe semolao
TSHIMOLOLO: TSHWARANG KOPANO YA TSHIMOLOLO
Tlhaolang maikaeleo (Seo tota kgwebisano e batlang go se dira)
Didiriswa, dikago, mmogo le matheriale mongwe yo o tlhokegang mo kgwebong
Ditlhokego tsa matlole (Le tlile go bona tse jang?)
Bonno (Kgwebisano e tla direla kwa kae?)
Tlhophang komitiketleetso ka maikaelelo a go tsweletsa tiragalo ya tshimologo
Thalang leano la tshimololo la tirgatso
Iponeleng molaotheo o o tla tlhalosang ditiragalo tse di tshwanetseng go diragadiwa ke dikoporasi mo go tsweletseng maikaelelo a yona.(bona tsebe e kwa tlase)
TSHIMOLOLO: Tiragalo go ya Pele
Kopano ya ntlha ya boto
Ikwadiso
Go tlatsa diforomo tsa ikwadiso le molaotheo
Go tlatsa ditokomane le Morejisitara wa Dikoporasi go sekegelwa
Sethifikheiti sa Ikwadiso
Molaotheo o o kwadisitsweng
Simololang go dira!
7. Ke mang yo e ka nnang leloko?
Mongwe le mongwe yo o tladitseng foromo ka kopo ya leloko
Mongwe le mongwe yo o nang le dikgatlhegelo tse di tshwanang le tsa setlhopha (koporasi)
Mongwe le mongwe wa dingwaga tse di kwa godimo ga lesomerobedi
GO KWADISA KGWEBISANO E NTšA, TLATSA:
(1) Diforomo CR1, CR4, mmogo le molaotheo;
Kgotsa
(2) Diforomo CR1, CR4, CR8 le molaotheo.
Diforomo di fitlhelwa mo webosaeteng e ka fa tlasa ga “ikwadiso le Diforomo”
