Die hoofdoel van hierdie direktoraat is om voorsiening te maak vir die stigting, registrasie en registrasie van en toesig oor koöperasies en die kantoor het ’n mandaat om die Co-operatives Act, 2005 (Act 14 of 2005) te administreer. Die kantoor fasiliteer ook toenemende ondernemingbesit deur benadeelde persone en bevorder die oprigting van koöperasies in arm, landelike gemeenskappe.
Hoofverantwoordelikhede
TDie direktoraat is verantwoordelik vir die registrasie, likwidasie en deregistrasie van koöperasies sowel as vir amalgamasies en omskeppings. Navrae van die publiek word beantwoord (navrae van die publiek) en inligting word verskaf oor koöperasies. Die kantoor is ook verantwoordelik vir die ontleding van koöperasies se finansiële state.
1 Wat is ’n koöperasie?
‘n Koöperasie is ’n outonome assosiasie van persone wat verenig om hul onderlinge ekonomiese, sosiale en kulturele behoeftes te bevredig deur middel van ’n onderneming in gesamentlike besit en onder demokratiese beheer wat volgens koöperatiewe beginsels georganiseer en bedryf word.
2 Wat is die kenmerke van ’n koöperasie?
’n Assosiasie van persone
Vrywillige grondslag
Onderlinge of gemeenskaplike ekonomiese, sosiale en kulturele behoeftes
Onderneming in gesamentlike besit en onder demokratiese beheer
Koöperatiewe beginsels
3 Wat is die koöperatiewe beginsels?
Demokratiese beheer deur die lede
Vrywillige en oop lidmaatskap
Outonomie en onafhanklikheid
Opvoedkundige opleiding en inligting
Samewerking tussen koöperasies
Omgee vir gemeenskap
Ekonomiese deelname deur gemeenskap
4 Hoe werk ’n koöperasie?
’n Koöperasie is ’n bepaalde vorm van onderneming wat dienste en produkte aan sy lede lewer. Winste, bekend as surplusse in ‘n koöperasie, word onder die lede verdeel in verhouding tot die hoeveelheid besigheid wat elke lid met die koöperasie gedoen het.
5 Wat is die voordele?
Lede bereik wat hulle nie op hul eie kan bereik nie.
Dit verskaf maklike toegang tot nodige dienste.
Lede betaal minder vir insette, bemarking, verspreiding en verkoop van produkte
Produkte word verwerk, indien nodig.
6 Hoe begin mens ’n koöperasie?
STIGTING: HOU ’N VERGADERING OM VAS TE STEL OF DAAR GENOEG BELANGSTELLING IN DIE BEOOGDE PROJEK IS
Die voorsitter lees aan almal by die stigtingsvergadering dié deel van die sakeplan voor wat die doelwitte en sakevooruitsigte uiteensit.
Alle vrae word beantwoord
Almal word uitgenooi om aan te sluit.
’n Aansoekvorm vir lidmaatskap moet aan almal wat belangstel, gegee word om in te vul.
Diegene wat die aansoekvorm vir lidmaatskap ingevul het, kies dan ’n direksie
Die koöperasie is nou regtens gestig
STIGTING: HOU ’N STIGTINGSVERGADERING
Identifiseer die doelwitte (presies wat die koöperasie wil doen)
Toerusting, geboue en ander materiaal wat nodig is vir die onderneming
Finansiële behoeftes (hoe gaan dit verkry word?))
Perseel (waar die koöperasie geleë gaan wees)
Kies ’n dagbestuur om die stigtingsproses verder te voer
Stel ’n aanvanklike aksieplan op
Stel ’n grondwet (konstitusie) op wat die prosedures voorskryf wat die koöperasie moet volg om sy doelwitte te bereik (kyk onderaan hierdie bladsy vir modelle wat gebruik kan word)
STIGTING: Die verdere proses
Die eerste direksievergadedring
Die registrasieproses
Invul van registrasievorms en konstitusie
Indien van dokumente by die Registrateur van Koöperasies vir oorweging
Registrasiesertifikaat
Konstitusie geregistreer
Begin sake doen!
7 Wie kan ’n lid word?
Enigiemand wat ’n aansoekvorm vir lidmaatskap ingevul het
Enigiemand wat die groep se belange deel
Enigiemand wat ouer as 18 jaar is
DIE VOLGENDE IN OM ’N NUWE KOÖPERASIE OP TE RIG:
(1) Vorm CR1, CR4 en ’n konstitusie
Of
(2) Vorm CR1, CR8 en ‘n konstitusie
Hierdie vorms is op hierdie webtuiste onder “Registrasie & vorms” beskikbaar
